Sizga brak mahsulot sotishsa, nima qilish mumkin?

— Shunaqayam sifatsiz tovar sotiladimi?!

Havotirlanmang, pulingizga kuyib qolmaysiz!

Nuqsonli tovar sotilganda iste’molchi, agar bu hol shartnoma tuzish paytida aytib o‘tilmagan bo‘lsa, o‘z xohishiga qarab quyidagilardan birini talab qilishga haqli:

— tovarni ayni shunday markali (modelli, artikulli) maqbul sifatli tovarga almashtirib berish;
— tovarni boshqa markali (modelli, artikulli) shunday tovarga almashtirib, uning xarid narxini tegishincha qayta hisob-kitob qilish;
— tovarning nuqsonlarini bepul bartaraf etish yoki iste’molchining yoxud uchinchi shaxsning nuqsonlarni — bartaraf etishga qilgan xarajatlarini qoplash;
— xarid narxini nuqsonga mutanosib ravishda kamaytirish;
— shartnomani bekor qilib, ko‘rilgan zararni qoplash.

Huquqlaringizni talab qiling! Raqobatni rivojlantirish va iste’molchilar huquqlarini himoya qilish qo‘mitasiga murojaat qiling!

Bizni kuzatib boring va iste’molchi sifatida kundalik hayotda ko‘p uchraydigan muammoli vaziyatlarga yechim toping!