“Detskiy bolnitsa”da yangi tug‘ilgan chaqaloqda jarrohlik amaliyoti o‘tkazilib, hayoti saqlab qolindi

Kuni kecha Olot tuman tibbiyot birlashmasida yangi tug‘ilgan chaqaloq tibbiy nazoratga olindi. Chaqaloqqa tug‘ma rivojlanish nuqsoni — anus et rectum atreziyasi tashxisi qo‘yildi.

Ixtisoslashtirilgan jarrohlik yordamiga ehtiyoj mavjudligi sabab bemor Buxoro viloyati bolalar tibbiyot markazining hududlararo chaqaloqlar xirurgiyasi bo‘limiga ko‘chirildi.

Markazda malakali mutaxassislar tomonidan to‘liq klinik, laborator hamda rentgenologik tekshiruvlar o‘tkazildi. Shoshilinch tarzda murakkab jarrohlik amaliyoti — sigmastoma qo‘yish amalga oshirildi. Amaliyot muvaffaqiyatli yakunlandi.

Ayni paytda chaqaloqning umumiy ahvoli barqaror bo‘lib, u tajribali shifokorlar tomonidan doimiy tibbiy nazoratga olingan. Amaliyotdan keyingi davolash va parvarish ishlari belgilangan tartibda olib borilmoqda.