Buxoroda fuqarolarning juda ko’p miqdordagi mablag‘larini o‘zlashtirgan “domchi” qamoqqa olindi

Buxoro viloyati IIB huzuridagi Tergov boshqarmasi tomonidan “GLOBAL LUX STORY IMPEKS” MCHJ mansabdor shaxslari va boshqalarga nisbatan qo‘zg‘atilgan jinoyat ishi yuzasidan tergov harakatlari olib borilmoqda.

1989-yilda tug‘ilgan, jamiyat rahbari Samandarov Otabek Ulug‘bekovich 2019-2023-yillar davomida Buxoro shahar Islom Karimov ko‘chasida qurilayotgan 14-sonli uy va boshqa manzillardan kvartira sotishni va’da qilib, tergov davomida aniqlangan 40 nafardan ortiq fuqarolarning ishonchiga kirgan. U soxta shartnomalar tuzish va hujjatlarni qalbakilashtirish yo‘li bilan fuqarolarning juda ko’p miqdordagi mablag‘larini firibgarlik yo‘li bilan qo‘lga kiritgan.

Hozirda O. Samandarovga nisbatan JK ning 168-moddasi 4-qismi “a” bandi bilan jinoyat ishi qo‘zg‘atilib, ehtiyot chorasi sifatida qamoq qo’llanilgan hamda dastlabki tergov harakatlari olib borilmoqda.

Mazkur shaxsning jinoiy harakatlaridan jabrlangan fuqarolardan quyidagi raqamlarga bog‘lanishlari so‘raladi:

📞 112;

📞 65-220-41-24;

📞 98-278-09-07.