9 yoshli bolakay kubik-rubikni 2,766 soniyada yig‘ib, jahon rekordini o‘rnatdi (video)

Polshaning 9 yoshli iqtidorli vakili Teodor Seider kubik Rubikni atigi 2,766 soniyada yig‘ib, tezkor yig‘ish bo‘yicha yangi jahon rekordini o‘rnatdi. Natija Gdansk Speedcubing League musobaqasida qayd etildi.

Shu tariqa, Seider avvalgi rekordni yangiladi. Ilgari eng tezkor natija Xitoy vakili Xuanyi Gengga tegishli bo‘lib, u 2025 yilgi Shenyang Spring 2025 turnirida kubikni 3,05 soniyada yig‘gan edi.

Yosh sportchi shu bilan birga milliy rekordni ham o‘rnatdi: u Tymon Kolasińskining 2024 yilda Flatåsen Open 2024da qayd etgan 3,66 soniyalik natijasini ortda qoldirdi.

Spidkubing nima?

Kubik Rubikni tez yig‘ish sporti spidkubing deb ataladi. Bu yo‘nalish professional darajada World Cube Association (WCA) tomonidan boshqariladi. WCA qoidalarni belgilaydi, musobaqalar va chempionatlarni tashkil etadi. Polshada bu jarayon Polish Speedcubing Association tomonidan muvofiqlashtiriladi.

Musobaqaning mohiyati oddiy: kubikning har bir tomonini bitta rangdan iborat holatga eng qisqa vaqt ichida keltirish. Eng mashhur va klassik format — 3×3×3.

Kubik Rubik tarixi

Kubik Rubik 1974-yilda vengriyalik ixtirochi Ernő Rubik tomonidan yaratilgan. Dastlab u “bűvös kocka” — “sehrli kub” nomi bilan tanilgan. Qiziqarli jihati shundaki, kubikni birinchi bo‘lib o‘zi yig‘gan ham Rubikning o‘zi, ammo bunga bir oy vaqt ketgan.

Bugun esa 9 yoshli sportchi uni 3 soniyadan kamroq vaqtda yig‘ib, butun dunyoni hayratda qoldirmoqda.