Markaziy dehqon bozorida

Ayni kunlarda respublikamizdagi epidemiologik vaziyat biroz o‘zgarganligi sababli Maxsus komissiya qaroriga asosan fuqarolarning karantin qoidalariga rioya qilishlarini ta’minlash bo‘yicha Milliy gvardiya hamda mas’ul vazirliklar hamkorligidagi profilaktik tadbirlar kuchaytirildi.

Albatta, bularning barchasi aholining salomatligini ta’minlash hamda koronavirus infeksiyasi tarqalishini oldini olishga qaratilgan. Bu kabi ishlar Buxoro viloyatida jamoat joylari va, ayniqsa, dehqon bozorlarida fuqarolarning belgilangan talablarga rioya qilishlari, shuningdek savdo rastalarining maxsus himoya vositalari bilan jihozlash ishlari olib borilmoqda. Ushbu faoliyatni nazorat qilish va bozorlarning sanitariya holatini yaxshilash maqsadida Milliy gvardiya harbiy xizmatchi va xodimlari tomonidan dehqon bozorlaridagi sharoitlar bilan tanishib, savdo-sotiq bilan shug‘ullanuvchi tadbirkorlarimizga sanitariya talablariga qat’iy rioya qilishlari to‘g‘risida tushuntirish ishlari olib borilmoqda.