Jaziramada chanqoqni tez bosadigan 5 ta foydali ichimlik

Jazirama kunlarda organizmning suv va elektrolitlar muvozanatini saqlash muhim. Chanqoq sezilmasa ham, har yarim soatda bir necha ho‘plam suyuqlik ichish tanani qizib ketishdan himoya qiladi. Bu haqda Daryo yozmoqda.

Yurak ishemik kasalligi yoki qon bosimi bilan bog‘liq muammosi borlar ichiladigan suyuqlik miqdorini shifokor bilan kelishishi kerak. Sog‘lom odamlar uchun odatda har bir kilogramm vaznga 30–35 ml suyuqlik hisoblash tavsiya etiladi.

1. Issiq choy

Shakarsiz ko‘k choyga yalpiz yoki limon qo‘shib ichish chanqoqni bosadi va tana haroratini pasaytirishga yordam beradi.

2. Reza mevali mors va uy sharbati

Ichimlik o‘ta sovuq bo‘lmasligi va tarkibida shakar kam bo‘lishi kerak. Suv, sitrus sharbati, yalpiz, zanjabil yoki reza mevalardan tayyorlangan shakarsiz ichimlik yaxshi tanlovdir.

3. Mineral suv

Kuniga 0,5–0,75 litr mineral suv organizmdagi tuz muvozanatini saqlashga yordam beradi. Uni och qoringa ichmaslik va minerallashuvi past turini tanlash ma’qul.

4. Pomidor sharbati

Pomidor sharbatida meva sharbatlariga qaraganda shakar kamroq. U chanqoqni bosadi va qonni suyultirishga yordam beradi. Kuniga bir litrgacha ichish mumkin.

5. Ayron

Ayron chanqoqni qondiradi, so‘lak ajralishini kamaytiradi hamda organizmdagi kislota-ishqor muvozanatini saqlashga ko‘maklashadi.