«Yangi Buxoro» aeroporti tenderida Turkiya–Qatar konsorsiumi ğolib böldi

«Yangi Buxoro» xalqaro aeroportini davlat-xususiy şeriklik asosida quriş va boşqariş böyiça xalqaro tender yakunlandi. Unda Turkiyaning Limak İnşaat Sanayi ve Ticaret A.Ş. hamda Qatarning Hamad Bin Khalid Contracting Company W.L.L. kompaniyalaridan iborat konsorsium ğolib deb topildi. Bu haqda «Uzbekistan Airports» AJ Buxoroişarif.uz internet naşriga ma’lum qildi.

Oçiq tender 2026-yil 12-martda «Quriş–topşiriş–boşqariş» — Build-Transfer-Operate (BTO) modeli böyiça e’lon qilingan edi. Saralaş malaka sörovi (RFQ) va takliflar sörovi (RFP) bosqiçlarida ötdi. Ikkinçi, yakuniy bosqiçga oltita kompaniya ötgan, ğolib esa Idoralararo tender komissiyasi tomonidan aniqlangan.

Loyihada davlat va xususiy şeriklarning vazifalari ajratilgan. Xususiy şerik soatiga 1 200 yölovçiga xizmat körsata oladigan yangi terminalni, vokzaloldi maydonini, avtoturargohni va ular bilan boğliq infratuzilmani quradi hamda boşqaradi.

Davlat şerigi aerodrom majmuasi — uçiş-qöniş yölagi va perronni quriş hamda boşqariş uçun javobgar böladi. Keyingi qadamda 23 yillik davlat-xususiy şeriklik bitimini tuziş közda tutilgan. Uşbu umumiy muddatga 3 yilgaça davom etadigan quriliş davri ham kiradi.

Konsorsium a’zolari aeroportlar va yirik infratuzilma obyektlari bilan işlaş tajribasiga ega. Limak Kosovo Respublikasidagi Priştina va Senegaldagi Dakar xalqaro aeroportlarini boşqaradi, Istanbul aeroporti qurilişida iştirok etgan. Kompaniya Misrdagi Qohira aeroportidan söng Quvayt xalqaro aeroportining yangi terminalini qurmoqda. HBK Contracting esa 2022-yilgi futbol böyiça jahon çempionati finali ötgan Qatardagi «Lusail» stadioni qurilişining boş pudratçisi bölgan.

«Uzbekistan Airports» Buxoroning ikki ming yildan ortiq tarixga ega Markaziy Osiyodagi eng qadimiy şaharlardan biri ekanini, uning tarixiy markazi 1993-yilda YUNESKOning Butunjahon merosi röyxatiga kiritilganini eslatdi. Kompaniya yangi aeroport ortib borayotgan mehmonlar oqimini qabul qiliş va hududning xorijiy davlatlar bilan aviaqatnovlarini kengaytirişga xizmat qilişini ta’kidladi.

Oçiq tender yirik xalqaro kompaniyalarda katta qiziqiş uyğotgan. «Uzbekistan Airports» tanlangan jamoa yölovçilar uçun qulay aeroport va zamonaviy infratuzilma yaratib, hududning xorijlik sayyohlar uçun jozibadorligini oşirişiga hamda Özbekiston aviatsiyasi rivojiga hissa qöşişiga işonç bildirdi.

Loyiha Prezidentning 2024-yil 30-avgustdagi PQ–308-son qaroriga asosan amalga oşirilmoqda. «Uzbekistan Airports» AJ bu borada Transport vazirligi hamda Iqtisodiyot va moliya vazirligi bilan hamkorlik qilmoqda.