BNQIZ da 1,8 milliard dollarlik yirik loyiha amalga oşiriladi — Prezidentga axborot berildi

Buxoro neftni qayta işlaş zavodining işlab çiqariş quvvatlarini ikki baravardan ziyod oşiriş rejalaştirilmoqda. Buning uçun qiymati 1,8 milliard dollar bölgan yirik investitsiya loyihasi işlab çiqilgan. Bundan taşqari, korxonada Yevro-5 standartidagi AI-92 va AI-95 benzinlarini işlab çiqariş ham yölga qöyiladi.

Prezident Şavkat Mirziyoyev Buxoro neftni qayta işlaş zavodining bugungi faoliyati, moliyaviy natijalari va kelgusida işlab çiqariş quvvatlarini kengaytiriş böyiça rejalar taqdimoti bilan tanişdi.

1997-yilda işga tuşirilgan mazkur korxona Özbekiston yoqilği-energetika sanoatidagi yirik işlab çiqariş majmualaridan biri hisoblanadi. Zavod yiliga 2,5 million tonna neft va gaz kondensatini qayta işlaş loyihaviy quvvatiga ega. Bu yerda avtomobil benzini, dizel yonilğisi, aviakerosin va boşqa neft mahsulotlari işlab çiqariladi. Korxonada 3,2 ming nafardan ortiq xodim mehnat qilmoqda.

Taqdimotda ma’lum qilinişiça, 2026-yilning dastlabki töqqiz oyida zavodda 1,5 million tonnadan ortiq xomaşyo qayta işlanib, qariyb 1,5 million tonna neft mahsulotlari işlab çiqarilgan. Korxonaning uşbu davrdagi sof foydasi 2,2 trillion sömga yetgan.

Yil yakuniga qadar xomaşyoni qayta işlaş hajmini 2,17 million tonnaga, tayyor neft mahsulotlari işlab çiqarişni esa 2,12 million tonnaga yetkaziş közda tutilmoqda.

Buxoroda Yevro-5 standartidagi benzin işlab çiqariladi

Zavodni modernizatsiya qilişning dastlabki muhim yönalişlaridan biri ekologik talablarga javob beradigan yuqori sifatli avtomobil benzini işlab çiqarişni özlaştirişdir.

Şu maqsadda 328 million dollarlik loyiha işlab çiqilgan. Uning doirasida mavjud texnologik jarayonlar yangilanib, yangi işlab çiqariş qurilmalari barpo etiladi.

Loyiha işga tuşirilgaç, Buxoro zavodida yiliga 1,1 million tonna Yevro-5 ekologik standartiga mos AI-92 va AI-95 rusumli benzin işlab çiqariş imkoniyati yaratiladi.

Buning iqtisodiy samarasi ham katta bölişi kutilmoqda. Jumladan, import qilinadigan yoqilği qöşimçalariga sarflanadigan xarajatlardan yiliga 150 million dollargaça mablağ tejalişi hamda 200 ta yangi iş örni yaratilişi prognoz qilinmoqda.

Rejaga köra, uşbu loyiha 2029-yilning ikkinçi çoragida işga tuşiriladi.

Zavod quvvati 4,6 million tonnagaça oşiriladi

Taqdimotda korxonani yanada kengaytirişga qaratilgan ikkinçi, ança yirik loyiha ham muhokama qilindi.

Dastlabki hisob-kitoblarga köra, 1,8 milliard dollarlik investitsiya hisobiga zavodda neftni qayta işlaş va neft-kimyo yönalişidagi zamonaviy texnologiyalar joriy etilib, yangi texnologik qurilmalar quriladi.

Natijada korxonada işlab çiqariladigan neft mahsulotlarining umumiy yillik hajmi hozirgi 2,1 million tonnadan 4,6 million tonnagaça oşişi mumkin.

Xususan, işlab çiqariş körsatkiçlarini quyidagi darajaga yetkaziş rejalaştirilgan:

• Avtobenzin — 2,7 million tonna;
• Dizel yonilğisi — 1,24 million tonna;
• Aviakerosin — 500 ming tonna.

Bundan taşqari, zavodda benzol va boşqa neft-kimyo mahsulotlarini işlab çiqariş imkoniyatlari kengayadi. Xomaşyoni çuqur qayta işlaş esa tayyor mahsulotlarning qöşilgan qiymatini oşirişga xizmat qiladi.

Loyihani amalga oşirişda Xitoy, Fransiya, AQŞ va Ozarbayjonning yetakçi texnologik kompaniyalari bilan hamkorlik qiliş közda tutilgan. Quriliş işlarini 2028-yilda boşlaş möljallanmoqda.

Yirik investitsiyalar Buxoro sanoatiga yangi imkoniyatlar yaratadi

Buxoro neftni qayta işlaş zavodini kengaytiriş loyihalari nafaqat korxonaning işlab çiqariş körsatkiçlarini oşiriş, balki mamlakatning yoqilği ta’minotini mustahkamlaş nuqtayi nazaridan ham muhim ahamiyatga ega.

Ayniqsa, yuqori sifatli benzin işlab çiqariş hajmining ortişi içki bozordagi taklifni kengaytiriş va importga boğliqlikni kamaytirişga xizmat qilişi mumkin.

Neft-kimyo mahsulotlarini özlaştiriş esa zavod faoliyatini faqat an’anaviy yoqilği işlab çiqariş bilan çeklab qöymasdan, yuqori qöşilgan qiymatga ega sanoat mahsulotlari işlab çiqariş tomon kengaytiradi.

Prezidentga taqdim etilgan rejalarni amalga oşirişda loyihalarning iqtisodiy samaradorligi, zamonaviy texnologiyalarni jalb etiş, mavjud quvvatlardan töliq foydalaniş va raqobatbardoş mahsulotlar işlab çiqariş masalalariga alohida e’tibor qaratildi.