Mushuk televideniye ko‘rsatuvini to‘xtatib qo‘ydi

Gruziyaning “Kavkaziya” telekompaniyasi mamlakatdagi siyosiy vaziyatni muhokama qilayotgan paytda jonli efirda tasodifan mushuk paydo bo‘ldi.

Bu videolavha bir zumda ijtimoiy tarmoqqa tarqaldi. Boshlovchi Devid Akubardiya siyosatchi Gedevan Popxadze tashrif buyurgan dastur mavzusini o‘zgartirishga majbur bo‘ldi.

Akubardiyaning so‘zlariga ko‘ra, mushukni XIX asr oxiri — XX asr birinchi yarmida yashab o‘tgan qo‘mondon Kayxosro Cholokashvili sharafiga “Kakutsa”, deb nomlashgan.

“Kakutsa, stoldan tush”, — dedi boshlovchi mushukka. Mushuk esa chaqiriqqa hech qanday munosabat bildirmadi. Shundan keyin teleboshlovchi yana bir necha bor jonivordan studiyani bo‘shatib qo‘yishini so‘rashga majbur bo‘ldi.

Qisqa tanaffusdan so‘ng jonli efir odatdagidek davom etdi.