Buxorolik qizlar voleybol bo‘yicha respublika chempionlari bo‘lishdi

Joriy yilning 21-iyulidan 23-iyul kuniga qadar Jizzax viloyatida 2008-yilda tug‘ilgan va undan kichik yoshdagilar, 22-iyulidan 24-iyulgacha esa 2006-, 2007-yilda tug‘ilgan qizlar o‘rtasida voleybol bo‘yicha respublika miqyosidagi turnir bo‘lib o‘tdi.

Mazkur bahslarda shofirkonlik sport murabbiyi I. Hamroyeva shogirdlari munosib ishtirok etishib, 2008-yilda tug‘ilgan va undan kichik yoshdagi sportchi qizlar faxrli 3-o‘rinni, 2006- va 2007-yillarda tug‘ilgan qizlardan tarkib topgan jamoa faxrli 1-o‘rinni qo‘lga kiritdilar.

Ma’lumot uchun, Voleybol (inglizcha: volleyball volley — «urib qaytarmoq» va ball — «toʻp») toʻpli sport oʻyini boʻlib, har biri 6 kishidan iborat 3 jamoa bilan oʻrtasidan toʻr tortilgan maydonchada oʻynaladi. Oʻrtasidan toʻr bilan (erkaklar musobaqasi uchun 2,43 m, ayollar musobaqasi uchun 2,24 m) boʻlingan 9×18 metrli maydonchada oʻynaladi. Voleybol toʻrining katakchalari soni 1 000 ta (enida 100 ta va boʻyida 10 ta) boʻlib, bitta katagining toʻrt tomoni 10 sm dan boʻladi.

Oʻyinchilar toʻpni qoʻl bilan urib, raqib maydoniga tushirishga harakat qiladilar. Koptokni 3 urishda raqiblar tomoniga oʻtkazish lozim. Musobaqa 3 yoki 5 partiya oʻynaladi.

Voleybol AQSh da paydo boʻlgan (1895-y). Xalqaro federatsiya (FIVB; 1947-yil asos solingan) ga 180 dan ortiq mamlakat aʼzo. 1964-yildan Olimpiya oʻyinlari dasturlariga kiritilgan, 1949-yildan jahon birinchiliklari oʻtkaziladi.

Voleybol Oʻzbekistonda 1920-yildan oʻynaladi. Oʻzbekiston Respublikasi 1991-yil Xalqaro voleybol federatsiyasiga, 1992-yil Osiyo voleybol konfederatsiyasiga aʼzo boʻlib kirdi. U maktablarda ommaviy tus olgan, jismoniy tarbiya boʻyicha dasturning ajralmas qismi hisoblanadi