Bahouddin Naqshband ziyoratgohida yigit va qizlar uchun Islom dini ulamolari ma’ruza qilishdi

Kuni kecha Bahouddin Naqshband ziyoratgohida Imom Abu Homid al-Gʻazzoliyning “Diniy ilmlarning tiklanishi” asarini o’rganish va tahlil qilishga bag’ishlangan o’quv-ma’ruzasi bo’lib o‘tdi, – deya xabar bermoqda Buxoro viloyat Turizm va madaniy meros bosh boshqarmasi matbuot xizmati.

Mazkur asar chuqur psixologiya orqali musulmonlarni ma’naviy va axloqiy hayotini yuksaltirishga qaratilgan.

Tashkil etilgan o‘quv Kembridj universitetini qoshidagi “The Muslim Academic Trust” xalqaro tashkiloti tashabbusi hamda O’zbekiston Respublikasi Turizm va madaniy meros vazirligi ko’magida amalga oshirildi.

Ushbu ma’ruza “Traveling Light film” turkumining bir qismi bo’lib, mazkur hujjatli filmni dunyoning turli burchaklaridan qiziqish bildirgan tomoshabinlar ko’rishi mumkin. Uni Kembridj universiteti professori Tim Vinter, Kembridj musulmon kolleji dekani Shayx Abdal Hakim Murod hamda ingliz akademiki, ilohiyotshunosi, islom olimi, Kembridj muslim kolleji asoschisi va dekani, BBC radiosi boshlovchisi Abdal Hakim Murod hamda London Iqtisodiyot maktabi o’qituvchisi Shayx Sulaymon Van Ael olib borishdi.