To‘rt ishdan saqlaning!

To‘rt ish bor, ular turmush mashaqqatlari, fikr xiralashishi va yurak siqilishiga olib boradi:

1. Alloh taoloning qazo va qadariga rozi bo‘lmaslik va jahl qilish;

2. Tavba qilmay, gunohlarga mukkadan ketish;

“U – o‘zingizdan”, – deb ayting (Oli Imron surasi 165-oyat);

“(Ey insonlar) Sizlarga qanaqa musibat yetsa, bas, o‘z qo‘llaringiz qilgan narsa (gunoh) sabablidir…” (Sho‘ro surasi 30-oyat).

3. Odamlarga dushmanlik qilish, ulardan o‘ch olishga qiziqish va Alloh fazli ila bergan narsalar uchun ularga hasad qilish;

“Yoki (ular) Alloh O‘z fazlidan bergan ne’matlari uchun odamlarga hasad qilishadimi?” (Niso surasi 54-oyat).

“Hasadgo‘yda rohat bo‘lmas” (Hadis).

4. Allohning zikri va eslatmalaridan yuz o‘girish;

“Kim Mening eslatmamdan yuz o‘girsa (kofir bo‘lsa), bas, uning uchun tang (baxtsiz) turmush (qabr azobi) bo‘lishi muqarrar” (Toha surasi 124-oyat).

Manba: O‘zbekiston musulmonlari idorasi Buxoro viloyati vakilligi.