Ruhshona kimga turmushga chiqqani haqidagi savolga javob berdi

Aktrisa, xonanda Ruxshona Instagram sahifasidagi jonli efir paytida kimga turmushga chiqqani haqidagi savolga javob berdi.

Xonandaga jonli efir vaqtida kuzatuvchilaridan biri eri kimligi haqida savol bergan. Aktrisa esa bir yaxshi insonga turmushga chiqqanini aytgan. Ruxshona ovoz yozish studiyasida jonli efir qilgan. Oʻsha paytda uning yonida bir erkak boʻlgan. Aktrisadan kuzatuvchilari yonidagi odam eriligi haqida soʻragan. Ruxshona esa u kompozitoriligini taʼkidlagan. Xonanda uning ismi Bahromligini ham aytib oʻtgan.

“Bir yaxshi insonga turmushga chiqdim. Yonimdagi Bahrom. U mening kompozitorim. U mening qoʻshiqlarim va reklamalarimni yozib beradi. Toʻyimga koʻp boʻlmadi”, – deydi u.

Avvalroq Ruxshona sevgilisi bilan turmush qurganini maʼlum qilgandi. Xonanda oʻz sahifasida mazkur yangilikni eʼlon qilgan. U qoʻlida guldasta ushlab turgan suratlarini joylab, “sevgilimning turmush qurish taklifiga rozi boʻldim. Ana endi baxtli boʻlamiz”, deya yozib qoldirgan. Aktrisaning mazkur posti ostiga barcha hamkasblari baxt tilab izoh qoldirgan.