Tojikistonlik kompozitorlar Buxoroda bo‘lishdi

13- va 14-oktabr kunlari Tojikiston kompozitorlari uyushmasi raisi Amirbek Musozoda uyushmasi a’zolari hamrohligida Buxoroga tashrif buyurishdi.

Tashrifning birinchi kunida viloyat Madaniyat boshqarmasi va Tojik milliy markazi xodimlari bilan birgalikda Buxoro shahri bo‘ylab sayohat tashkil qilindi. Mehmonlarga shaharning qadimiy obidalari va tarixiy joylari hamda savdo rastalari namoyish qilindi, Bahouddin Naqshband ziyoratgohi ziyorat qilindi.

Kun oxirida tojikistonlik san’at vakillari sharafiga Buxoroning eski shahr qismida joylashgan “Nodir devonbegi“ madrasasida konsert tashkil etildi.

Tashrifning ikkinchi kuni ham ijodiy uchrashuvlarga boy o‘tdi. Buxoro viloyat Madaniyat boshqarmasi binosida tojik kompozitorlari hamda Buxoro viloyat davlat filarmoniyasi xonandalari ishtirokida suhbat uyushtirildi. So‘ngra “Buxorcha” va “Mavrigi” taronalari ijro etildi.

Tashrif yakunida o‘zbek hamda tojik san’atkorlari o‘rtasida do‘stlik va hamkorlik aloqalarini yanda mustahkamlashga kelishib olindi.