Buxoro tumanida yangi muzey paydo boʻldi

Buxoro tumanining o‘ziga xos an’ana va qadriyatlari, turmush tarzini o‘rganish, targ‘ib etish va kelgusi avlodlarga yetkazish maqsadida “Buxoro tumani madaniyat tarixi muzeyi” tashkil etilib, Adliya vazirligida ro‘yxatga olindi, – deya xabar bermoqda Buxoro viloyati prokuraturasi matbuot xizmati.

Muzey ekspozitsiyalari esa Buxoro amirligi, Sobiq Ittifoq davri, Mustaqillik yillari tarixi va bugungi kundagi ushbu hududda amalga oshirilgan islohotlar davriga bo‘linib, tarixiy ashyolar bilan boyitilgan.

Shuningdek, muzeydan xalq orasida jasorat ko‘rsatgani uchun «O‘zbekiston Qahramoni» unvoni bilan taqdirlangan Muhammad Ahmedov, koʻplab jahon chempionlarini yetishtirgan taniqli kurashchi Sobir Qurbonov hamda boshqa mashhur insonlarning hayotiga bagʻishlangan instaliyatsilar ham o‘rin olgan.

Ushbu muzey Buxoro tumanining “Rabotiqalmoq” MFY hududida boʻlib, yaqin kunlarda toʻliq faoliyat olib borishi uchun ishlar nihoyasiga yetkazilmoqda