Braziliyaning yangi prezidenti ishini yangi yildan boshlashi ma’lum bo‘ldi

Braziliyada oʻtkazilgan prezidentlik saylovining ikkinchi tur natijalariga koʻra, 77 yoshli Luiz Inasio Lula de Silva 50,9% ovoz bilan gʻalaba qozondi. Braziliyaning amaldagi prezidenti Jair Bolsonaro 49,1% ovoz bilan magʻlub boʻldi.

Lula de Silva prezidentlik faoliyatini 2023-yilning 1-yanvaridan boshlaydi. Braziliyada jami 156 000 000 saylovchi bor. Birinchi tur saylovda Lula de Silva 48.43%, Bolsonaro 43,20 % ovoz olgan edi.

Mutaxassislarning fikricha, Bolsonaroning saylovdagi magʻlubiyatiga mamlakatda davom etayotgan moliyaviy inqiroz, COVID19 pandemiyasida vafot etgan braziliyaliklar, Amazonka oʻrmonlarining qisqarib borishi hamda hukumat tizimidagi korrupsiyalar sabab boʻlgan.