“Chevrolet Onix” avtomobili haqida nimalar ma’lum?

“Chevrolet Onix” avtomobili sotuvining birinchi kunida rekord darajada – 28 000 dan ortiq mijoz mashina xaridi uchun shartnoma imzoladi. O‘sha kuni jami 30 000 ga yaqin avtomobil uchun shartnoma tuzilgan. Bu boshqa kunlarda UzAutoMotors bilan tuziladigan o‘rtacha shartnomalar sonidan 30 baravarga ko‘pdir.

Bu «“Chevrolet Onix” ning mutlaqo muvaffaqiyatidan dalolat beradi», – demoqda kompaniya o‘zining rasmoy saytida.

Qayd etish joizki, “Chevrolet Onix” ga tuzilgan sharnomalarning 45% bittadan ortiq avtomobilni xarid qilmoqchi bo‘lganlar hisobiga to‘g‘ri keladi.

2021-yilning 2-mart kuni “Uzavto Motors” zavodiga uyushtirilgan press-tur davomida kompaniya direktori Rustam Rajabov “Chevrolet Onix” mashinasining O‘zbekistondagi narxi $9 000 −$12 000 ni tashkil etishini ta’kidlagandi. Biroq hozirda uning narxi ancha qimmatroq qilib belgilangan.

“Chevrolet Onix” ning 1,2 MT narxi – 110 000 000 so‘m;
“Chevrolet Onix” ning 1LS 1,2 MT narxi – 133 040 000 so‘m;
“Chevrolet Onix” ning 3LT 1.2 MT narxi – 141 960 000 so‘m;
“Chevrolet Onix” ning LTZ 1,2 Turbo AT narxi – 165 180 000 so‘m.