Ey birodar! Bugun bozorga kelgan mato sening kafaning bo‘lmasligini qayerdan ham bilarding!?…

Rasululloh sollallohu alayhi va sallam “Hayo o‘limni va (qabrda) chirishni eslamog‘ingizdir”, – dedilar. Albatta, o‘lim va undan so‘ng bo‘ladigan holatlarni eslash, insonning gunohdan qaytishiga sababchi bo‘ladigan eng kuchli vositalardan biridir.

Imom Gʻazzoliy rahmatullohi alayh aytadilar: “Ey birodar! Bugun bozorga kelgan mato sening kafaning bo‘lmasligini qayerdan ham bilarding!?”.

Mashoiqlar aytganlar: “O‘limning kelishi aniq. Lekin o‘lganda kafan bilan ketishda gumon bor”.

Shuning uchun inson har qadamida o‘limga tayyor bo‘lmog‘i kerak. O‘lim qay holatda kelishini kim biladi

Hadisi sharifda “Qanday holatda yashagan bo‘lsangiz, shunday holatda o‘lim keladi”, – deyilgan. Ya’ni, kimning hayoti solih amallari bilan bezatilgan bo‘lsa, o‘limi ham maqtaladigan holatda bo‘ladi va kimning hayoti gunohlar bilan o‘tgan bo‘lsa, unga o‘limga ham shu holatda yo‘liqadi.

Foydalanilgan adabiyot: “Sharm va hayo” kitobi.
Muallif: Nodirbek Asadov, Buxoro shahridagi “Poyi Ostona” jome’ masjid imomi.
Manba: O‘zbekiston musulmonlari idorasi Buxoro viloyati vakilligi.