Jahon

Nemis shifokorlariga ehtiyoj bor!

photo 64

Loading

Maxfiy parvoz: Turkmaniston samolyoti Germaniyada. Maqsad — nemis shifokorlari. Sababi noma’lum

Bugun mahalliy vaqt bilan soat 12:30da Turkmaniston havo yo‘llarining «Boing-737» samolyoti Myunxenga qo‘ndi. Germaniyadagi manbaning turkmen.news’ga aytishicha, u bir yarim soat ichida (soat 14:00da) Turkmanistonga uchib ketishi kerak edi, ammo Yevropa vaqti bilan soat 15:50da ham uchmadi.

Samolyot Myunxenga bo‘sh keldi. Ashxabodga qaytish reysida u olti nafar nemis shifokorini yetkazib beradi. Shifokorlarning Turkmanistonga nima sababdan borayotgani noma’lum. Rasmiy OAV samolyot Myunxenga parvoz qilgani haqida xabar bermadi.

Shuningdek, turkmen.news saytida shifokorlar Germaniyaga 10 yanvar kuni qaytib kelishlari haqida xabar berildi. Ular Myunxenga yetkazib qo‘yilganidan so‘ng  Turkmaniston samolyoti London aeroportiga jo‘nab ketadi. Bundan maqsad ham aniq emas.

So‘nggi olti oy ichida bu myunxenlik shifokorlarning Turkmanistonga uchinchi tashrifi. Ular birinchi marta 27 avgustda kelishgandi. Ushbu tashrif xuddi hozirgi kabi rasmiy ravishda e’lon qilinmadi. Shifokorlardan tashqari, samolyot bortida bir nechta qutilar, shuningdek, viruslarni o‘rganish texnologiyalari ishlab chiqaruvchisi, shu jumladan COVID-19 ga qarshi vaksina ishlab chiqaruvchi Amerikaning Promega kompaniyasining logotipi tushirilgan qutilar bor edi.

Ikkinchi tashrif 26 noyabr kuni bo‘lib o‘tdi. Bu safar nemis shifokorlarining kelishi haqida rasmiy OAV xabar berdi. Prezident Gurbanguli Berdimuhamedov 2006 yilda vafotidan oldin birinchi Prezident Saparmurat Niyozovni tekshirgan professor Klaus Parkxofer bilan shaxsiy uchrashuv o‘tkazdi. Yana bir nechta nemis shifokorlari Turkmaniston Davlat tibbiyot universitetining faxriy professori unvonlariga sazovor bo‘lishdi.

Manba

Muhokama qilish (0 ta sharh)

Javob berish

  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.