Buxoro shahrida “otopleniya” 8-noyabrdan berilishi rostmi?

Kecha, 7-noyabr kuni kechqurun internet tarmogʻida shahardagi koʻp qavatli uylarda issiq energiyasi yetkazib berilishi boshlanishi haqidagi xabarlar tarqaldi.

Chindan ham Buxoro viloyati hokimi chiqargan farmoyishiga asosan, bugun 8-noyabr sanasidan boshlab Buxoro va Kogon shaharlaridagi ko‘p kvartirali uylar, ijtimoiy soha obyektlari va boshqa turdagi iste’molchilarga “Buxoroenergomarkaz” AJ va “Issiqlik manbai” DUK korxonalari tomonidan issiqlik energiyasi yetkazib berish boshlanadi.

Demak shahrdagi barcha koʻp kvartirali uylarda “otopleniya” hafta oxirigacha toʻliq ishlashni boshlaydi. Shu oʻrinda xonadonlar egalari va issiqlik energiyasining isteʼmolchilaridan 2022/2023-yillar kuz-qish isitish mavsumi boshlanishi munosabati bilan ehtiyot choralarini ko‘rish, yaʼni mavjud quvurlar tizimining sozligi va moʻtadil ishlashini ta’minlashi uchun koʻzdan kechirishlarini soʻraymiz.

Aniqlangan yoki yuzaga kelgan nosozliklarni bartaraf etish maqsadida esa quyidagi raqamlarga qoʻngʻiroq qilishingiz mumkin:
1. Buxoro viloyati UJKXKB: (+998) 65-225-09-34;
2. “Buxoroenorgomarkaz” AJ: (+998) 78-770-01-82;
3. “Issiqlik manbai Buxoro” DUK: (+998) 65-223-24-06.