O‘zbekiston

Tursinxan Xudoyberganov Prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisi lavozimidan ozod etildi

photo 3 3

Loading

Xudaybergenov Tursinxan Aydarovich Prezidentning Orolbo‘yi mintaqasini barqaror rivojlantirish masalalari boʻyicha maslahatchisi lavozimiga tayinlandi.

Shu munosabat bilan u Prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisi lavozimidan ozod etildi.

Shuningdek, T. Xudoyberganov mahalla va nuroniylarni qo‘llab-quvvatlash vaziri vazifasini bajaruvchisi lavozimini saqlab qoldi.

Xudoybergenov biografiyasi haqida toʻxtaladigan boʻlsak, ochiq maʼlumotlar bazasiga asosan, 1951-yilning 20-may kuni Toshkent viloyatining Chinoz tumanida tugʻilgan. Millati — qozoq. Maʼlumoti — oliy, 1974-yilda Nizomiy nomidagi Toshkent pedagogika institutini, 1982-yilda — sobiq ittifoqdagi IIV Akademiyasini tamomlagan. Hozirda general-mayor harbiy unvoniga ega.

Mehnat faoliyatini 1974-yilda IIV ning turli lavozimlarda boshlab, 1997-yilda Xorazm viloyati Ichki ishlar boshqarmasi boshlig‘i sifatida 3 yil ishlagan. Soʻngra Prezident qarori bilan 2001-yilda O‘zbekiston Respublikasi Prezidentining huquqni muhofaza qiluvchi va nazorat idoralarining faoliyatini muvofiqlashtirish bo‘yicha Davlat maslahatchisi lavozimiga tayinlangan.

Bundan 5 yil oʻtib, Oʻzbekiston Respublikasi Ichki ishlar vazirining oʻrinbosari lavozimida koʻrinish bergan T. Xudoyberganov koʻp oʻtmay xuddi shu yili Farg‘ona viloyati IIB boshlig‘i sifatida 4 yil xizmat qilgan.

Munosib xizmatlari uchun 2016-yilda T. Xudoyberganov O‘zbekiston Respublikasi Favqulodda vaziyatlar vaziri lavozimida ish boshlaydi va 2 yil oʻtib Oʻzbekiston Prezidentining Fuqarolar murojaatlari bilan ishlash masalalari boʻyicha Davlat maslahatchisi lavozimiga koʻtariladi.

2018-yilda yana O‘zbekiston Respublikasi Favqulodda vaziyatlar vaziri boʻlgan T. Xudoyberganov koʻp oʻtmay Shavkat Mirziyoyev tomonidan Prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisi lavozimiga tayinlanib, shu kunga qadar ushbu lavozimda ishlab kelayotgan edi.

Muhokama qilish (0 ta sharh)

Javob berish

  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.