Shimoliy Atlantika alyansi Rossiyaga “terrorchi davlat” sifatida qaramoqda

Kecha, 21-noyabr kuni NATO ga aʻzo davlatlar Rossiya rejimini terrorchi deb tan olishga chaqiruvchi rezolyutsiyani eʻlon qildi. Mazkur rezolyutsiyada keltirilishicha shuningdek, “Rossiyaning Ukrainaga boʻlgan tajovuzi bilan bogʻliq jinoyatlarni tergov qilish uchun maxsus xalqaro tribunal yaratish” ham talab qilinadi. Bu haqda Rossiyaning “Kommersant” nashri xabar qildi.

NATO ning Madriddagi yillik sessiyasi yakunlari boʻyicha qabul qilingan rezolyutsiya Ukrainaga qurol yetkazib berishni koʻpaytirish, Ukrainaning NATO ga qoʻshilishi boʻyicha aniq qadamlarni ishlab chiqish va Ukrainaga yetkazilgan zarar uchun Rossiya Federatsiyasidan tovon undirish mexanizmini yaratishga chaqiradi.

Rezolyutsiyada Rossiya tomonidan qurol-yarogʻ nazorati boʻyicha majburiyatlarni buzish davom etayotgani hamda global qurol nazorati va yadroviy qurollarni tarqatmaslik rejimlarining yemirilishidan chuqur xavotir bildirilgan hamda Rossiyaning yadro qurolidan foydalanish boʻyicha qabul qilib boʻlmaydigan tahdidlari qoralangan.

Shuningdek, bir necha yil oldin imzolangan “NATO – Rossiya taʻsis akti toʻgʻrisida” gi qonunni Kreml qoʻpol va koʻp marotaba buzganligini inobatga olgan holda, NATO kuchlarini joylashtirishni cheklovchi qoidalarini oʻz ichiga olgan ushbu hujjat haqiqiy emasligini aniq aytishga chaqiriladi.