Milliy Gvardiya xodimlari “Gorgaz” da “paq-paqa” ni pullayotgan oʻsmirni qoʻlga tushirdi

Joriy yilning 25-noyabr kuni soat 14:00 larda Milliy gvardiya Bojxona boshqarmasi xodimlari Buxoro shahri, Mustaqillik koʻchasidagi avtobekat oldida qora paketga solingan 8 blok “paq-paqa” (pirotexnika vositalari) ni sotmoqchi boʻlgan fuqaro qoʻlga olishdi.

Fuqaro qoʻlidagi paket tekshirilganda uning ichida umumiy qiymati 960 000 soʻmlik 80 quti “Treniya” nomli pirotexnika vositalari borligi aniqlangan va ashyoviy dalillar holislar ishtirokida belgilangan tartibda hujjatlashtirib olingan.

Olib borilgan tezkor surishtiruv jarayonida ushbu fuqaro Buxoro viloyatining Qorovulbozor tumani, Geologlar koʻchasida yashovchi voyaga yetmagan Sh. A. ekanligi oydinlashdi.

Voyaga yetmagan Sh. A. ushbu pirotexnika vositalarini bir necha kun oldin Toshkent shahridagi “Qoʻyliq dehqon bozori” da notanish shaxsdan 400 000 soʻmga sotib olganligini tan oldi.

Ayni damda mazkur holat yuzasidan tergovga qadar tekshiruv harakatlari davom etmoqda.