Jahon

Ramzan Qodirovning 22 yoshli qizi Chechenistonning eng oliy mukofoti bilan taqdirlandi

photo 77 1

Loading

Checheniston rahbarining ikkinchi qizi, Grozniy shahri maktabgacha taʻlim boʻlimi boshligʻi 22 yoshli Xadijat Qodirova Ahmad Qodirov nomidagi orden bilan taqdirlandi, – deya xabar bermoqda respublikaning Milliy siyosat, tashqi aloqalar, matbuot va axborot vaziri Ahmad Dudayev oʻzining vKontakte.ru dagi sahifasida.

“– Checheniston Respublikasining Birinchi Prezidenti, Rossiya Qahramoni Ahmad-Xajji Qodirovning nabirasi, Grozniy meriyasining maktabgacha taʻlim boʻlimi boshligʻi Xadijat Qodirovani oliy mukofot – Qodirov ordeni bilan taqdirlangani bilan chin yurakdan muborakbod etaman! Unga ishonib topshirilgan tashkilot faoliyatini yangi bosqichga koʻtardi. U eng qiyin vazifalarni hal qilishni biladigan adolatli va sezgir rahbar sifatida tanilgan”, – deb yozdi vazir.

Bir muddat avval mazkur orden bilan viloyat rahbarining toʻngʻich qizi – respublika madaniyat vaziri lavozimini egallab turgan 23 yoshli Ayshat Qodirova taqdirlangan edi.

Maʼlumot uchun, Ramzan Qodirovning jami 14 nafar farzandi bor, ulardan 6 tasi qiz bola.

Buxorodagi madrasalarning birida taʼlim olgan Ahmad-Xadji Qodirov dastlab 2000-yilda Checheniston maʻmuriyati rahbari, 2003-yilda esa Checheniston Prezidenti boʻlgan. 2004-yilning 9-mayda Grozniyda sodir etilgan teraktda halok boʻlgan.

Muhokama qilish (0 ta sharh)

Javob berish


  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.