Olot hokimi Nargiza Neʼmatova tuman dehqon bozorida boʻlib, xaridorlar fikri bilan qiziqdi

Kuni kecha Olot tumani hokimi Nargiza Neʼmatova boshchiligida sektor rahbarlari, tuman hokimi o‘rinbosarlari va mutasaddi tashkilot rahbarlari Olot dehqon bozoridagi narx-navoni oʻrganib, oziq-ovqat mahsulotlari zahirasini ko‘zdan kechirishdi.

Masʼul rahbarlar aholiga asosiy turdagi oziq-ovqat, un va non mahsulotlarini maqbul narxlarda taklif etish va bozorlarda xaridorlar uchun qulay shart-sharoitlar yaratish maqsadida amalga oshirilgan ishlar ko‘lami tahlil qilindi.

Hokim tegishli rahbarlarga oziq-ovqat mahsulotlari zahirasini yanada ko‘paytirish hamda narx-navolar sun’iy ravishda oshirilishining oldini olish bo‘yicha koʻrsatmalar berdi. Savdogar va xaridorlar bilan suhbatlashildi, ularni qiynab turgan muammolar ochiqlandi.

Shuki qayd etish kerakki, yaqinlashib kelayotgan bayram arafasida bozordagi ayrim turdagi oziq-ovqat mahsulotlariga bo‘lgan talab ortishi tabiiydir. Shu jihatni inobatga olib, bozorlarda arzonlashtirilgan savdo yarmarkalarini tashkil etish borasida ham vazifalar belgilandi. Oʻrganishlar muntazam ravishda davom etishi taʼkidlandi.

Bunday tadbirlardan koʻzlangan asosiy maqsad – oziq-ovqat xavfsizligini hamda bozorlardagi narxlarning barqarorligini ta’minlashdir.