G‘ijduvonlik marixuannachi qo‘lga olindi

Buxoro viloyati bojxona boshqarmasining Kontrabandaga qarshi kurashish bo‘limi xodimlari hamda Davlat xavfsizlik xizmati Buxoro viloyati boshqarmasi xodimlarining o‘zaro hamkorligida o‘tkazilayotgan tezkor tadbirlarda giyohvandlik vositalarining savdosi bilan shu‘gullanib kelayotgan shaxslar qo‘lga olinmoqda.

Xususan, kuni kecha G‘ijduvon tumanida o‘tkazilgan tezkor tadbirda mazkur hududda istiqomat qiluvchi oldindan kuzatuvga olingan fuqaro B. A. yashash xonadoni ko‘zdan kechirildi.

Natijada, ekin ekish uchun mo‘ljallangan yer maydonida 43 tup “Kannabis” giyohvandlik o‘simligini parvarishlayotganligi hamda qariyb 1,5 kg quritilgan holdagi marixuanna giyohvandlik vositasini saqlab kelayotganli ma‘lum bo‘ldi.

Hozirda ushbu holat yuzasidan bojxona organlari tomonidan tergovga qadar surishtiruv harakatlari olib borilmoqda.