Sheyxonchalik pastkash turmush qurgan ayol bilan yaqinlik qilib, uni videotasvirga olgan

2019-yilning yoz oylarida Buxoro tumanining “Sheyxoncha” mahallasida yashovchi 45 yoshli A. A. bir ayol bilan tanishib qoladi. Ko‘p o‘tmay ularning munosabatlari jiddiylashib, birga yaqin bo‘lishadi. Ularning munosabatlariga ayolning oilasi borligi ham xalaqit bermaydi. Shu tariqa ishqiy munosabatlar 3 yil davom etadi.

Ammo yaqinda erkakning tanishuvdan maqsadi nafaqat nafsini qondirmoqchiligi, balki pul ishlamoqchiligi ayon bo‘ladi. Pastkash erkak yillar davomida ayol bilan birga bo‘lgan ishqiy munosabatlarini videotasvirga oladi. Keyin esa videoni ayolning turmush o‘rtog‘iga ko‘rsatishini aytib, buning evaziga $500 ni talab qilib “shantaj” qiladi.

Buxoro shahri, Shexon ko‘chasida yashovchi 41 yoshli ayol A. A. ning bu xatti-harakatlari ustidan tegishli tashkilotlarga ariza bilan murojaat qiladi va kuni kecha Buxoro viloyati huquq tartibot organlari tomonidan o‘tkazilgan maxsus tadbir davomida A. A. talab qilingan pullarni ayoldan olayotgan vaqtida ashyoviy dalillar bilan ushlanadi.

Hozirda mazkur holat yuzasidan O‘zbekiston Respublikasi Jinoyat Kodeksining 165-moddasi, 1-qismi bilan jinoyat ishi qo‘zg‘atilib, tergov harakatlari davom etmoqda.