Matbuot kotibi Qorako‘l tumani hokimi o‘rinbosari lavozimiga tayinlandi

Muxtorov Rabbonaqul Qurbonboy o‘g‘li Qorako‘l tumani hokimining yoshlar siyosati, ijtimoiy rivojlantirish va
ma’naviy-ma’rifiy ishlar bo‘yicha o‘rinbosari lavozimiga tayinlandi. Bu haqida Buxoro viloyat hokimligi matbuot xizmati xabar qildi.

Nomzod Xalq deputatlari Qorako‘l tuman Kengashining navbatdagi 64-sessiyasida deputatlar tomonidan tasdiqlandi.

Tayinlovga qadar R. Muxtorov tuman hokimining axborot siyosati bo‘yicha maslahatchisi — matbuot kotibi lavozimida ishlab kelayotgan edi. Oilali, 2 nafar farzandi bor.

U 2014-yilda O‘zbekiston milliy universitetining “Jurnalistika” fakultetini tamomlagan. Ayni paytda “Kelajak liderlari” klubi a’zosi hisoblanadi.

Rabbonaqul Qurbonboy o‘g‘lining keyingi faoliyati, aholining kundalik muammolarini hal qilish yo‘lidagi ishlariga ulkan zafar hamda kuch-quvvat tilab qolamiz. Zero, prezident Shavkat Mirziyoyev ta’biri bilan aytganda, doimo insonlar tashvishi va muammolarini o‘ylab yashash – har qanday rahbar uchun muqaddas vazifa bo‘lishi shart.