Romitanda kaptar ovchilari va qamish olib ketayotgan shaxs jazolandi

Joriy yilning 13-dekabr kuni Romitan hududida o‘tkazilgan 2 ta nazorat tezkor reyd tadbiri davomida tuman Ekologiya va atrof-muhitni muhofaza qilish bo‘limi inspektorlari tomonidan bir necha fuqarolar tomonidan amalga oshirilgan qonunbuzarliklar aniqlandi.

Xususan, kabutar qushlarini ovlab, tabiatga ziyon yetkazgan 2 nafar shaxslar tomonidan ovchilik qoidalarini buzganlik holatlari aniqlanib, ularga nisbatan O‘zbekiston Respublikasi Maʼmuriy javobgarlik toʻgʻrisidagi Kodeksining 90-moddasi, 1-qismi bilan bayonnoma rasmiylashtirildi.

Ikkinchi holatda esa xuddi shu kungi reyd tadbiri davom ettirilib, noʼmalum shaxs yuk mashinasida juda koʻp miqdorda hamda hech qanday ruxsatnomasiz qamish o‘simligini olib ketayotganligi aniqlandi.

Surishtiruv jarayonida ushbu shaxs Romitan tumanida yashovchi fuqaro M. X. boʻlib chiqdi va unga nisbatan O‘zbekiston Respublikasi Maʼmuriy javobgarlik toʻgʻrisidagi Kodeksining 79 1 moddasi bilan ma’muriy bayonnoma rasmiylashtirilib, 900 000 so‘m jarima hamda 90 000 so‘m tabiatga yetkazilgan zarar hisoblandi.