Buxoroda qiyshiq qurilgan “dom”ning quruvchisi xonadon egasiga bosim qildi (audio)

Kuni kecha Telegram dagi “Potrebitel Buxara” kanalida Buxoro shahridagi ko‘p qavatli uylarning biridagi qiyshiq qurilgan uyning surati e’lon qilindi. Ushbu suratni xonadon egasi “dom” ni qurgan tashkilotga bir necha marta qilgan samarasiz murojaatidan so‘ng yuborgan. Shunga qaramay hech bir o‘zgarish bo‘lmagan.

Bugun esa xonadon egasi va mas’ul shaxsning audiosi tarqaldi. Unda bir necha shaxslar xonadon egasiga bosim qilib, dag‘-dag‘a qilish, so‘kinish holati yozib olingan. Marhamat, qolganini o‘zingiz eshiting…

Vaziyat o‘ta jiddiyligi yaqqol ko‘rinmoqda. Shu o‘rinda mazkur ko‘p qavatli uyning qiyshiq qismini tuzatib qo‘yib, ushbu vaziyatdan silliqqina chiqib ketish mumkin edi. Qolaversa, suhbatdan ayon bo‘lishicha, uyning yuqori 8-qavati noqonuniy qurilgan. Ya’ni, ushbu ko‘p qavatli uy 7 qavat ko‘rinishda “vvod” qilingan. Keyin esa 8-qavat ovozli yozuvvda aytilgandek “yuqori talab paydo bo‘lganligi” uchun qurilgan…

Xullas, Buxoro viloyat prokuraturasi va sohaga aloqador tashkilotlar nafaqat nazoratga olishi balki, aniq va konkret chora ko‘rgan holda munosabat berishi kerak.

(c) Buxoroisharif.uz internet OAV tahririyati