Qorako‘l dehqon bozoridagi transformatorga noqonuniy ulanish holati aniqlandi

Elektr energiyasini hisobga olish va nazorat qilishning avtomatlashtirilgan tizimi yordamida elektr energiyasidan belgilangan tartib qoidalarga xilof ravishda foydalanib kelayotgan iste’molchilar aniqlanib, holatga huquqiy baho berilmoqda.

Shuningdek, tizimga mos dastur imkoniyatlaridan kelib chiqib, aniqlangan noqonuniy ulanishlar joyiga chiqib o’rganilmoqda va tegishli tartibda qoidabuzarlik dalolatnomalari rasmiylashtirilmoqda.

Kuni kecha soha mutaxassislari tomonidan ana shunday holatlardan biri aniqlandi. Jumladan, Qorako‘l tumanidagi Dehqon bozoriga tegishli transformator punkti ko‘zdan kechirilganda, elektr energiyasidan noqonuniy foydalanish holatlari fosh etildi hamda qoidabuzarlik dalolatnomasi rasmiylashtirildi.

Iste’mol qilingan elektr energiyasi uchun esa qayta hisob-kitob o‘tkazildi va to‘lov summasini undirish choralari ko‘rildi, deya xabar bermoqda “Buxoro HETK” AJ matbuot xizmati.