Kogon shahridagi bozorda “paq-paqa” chi qoʻlga olindi

Joriy yilning 27-dekabr kuni Milliy gvardiya Buxoro viloyati boshqarmasi harbiy xizmatchilari tomonidan navbatdagi reyd oʻtkazildi.

Unda Kogon shahrining “Eski bozor” hududida soat 12:00 lar atrofida nomaʼlum shaxs o‘zini shubhali tutganligi sababli, to‘xtatilib tekshiriladi.

Natijada, uning qo‘lida bo‘lgan 1 dona oq rangli politilien paketda 12 blok (8 blok 60 quti “Britanik”, 4 blok 4 quti “Treniya”) pirotexnika vositalari borligi ayon boʻladi va mazkur 1 440 000 so‘mlik ashyoviy dalillar xolislar ishtirokida belgilangan tartibda hujjatlashtirib olinadi.

Olib borilgan tezkor surishtiruv orqali qoʻlga tushgan fuqaro Kogon shahrining Arabxona ko‘chasida yashovchi J. T. ekanligi oydinlashadi.

Ayni damda holat yuzasidan masʼul tashkilotlar tomonidan tergovga qadar tekshiruv harakatlari davom etmoqda.