Kuch ishlatar tizimlarda ishlovchi buxorolik ayollar o‘rtasida musobaqa o‘tkazildi

Kuni kecha Buxorodagi huquqni muhofaza qiluvchi organlarda xizmat qiluvchi ayollar o‘rtasida kamondan otish bo‘yicha musobaqa o‘tkazildi.

Viloyatimizda kamondan otish mahorat maktablari faoliyatini rivojlantirish bo‘yicha Milliy gvardiyaning joylardagi bo‘linmalari tomonidan tizimli ravishda olib borilmoqda. Xususan, Milliy gvardiya Buxoro viloyati bo‘yicha boshqarmasi, Qo‘riqlash boshqarmasi hamda “Dinamo” JTSJK hamkorligida ayol harbiy xizmatchi, xodimlar o‘rtasida navbatdagi kamondan otish sporti bo‘yicha musobaqalar bo‘lib o‘tdi.

Mazkur musobaqada 50 ga yaqin kamondan o‘q otish sport turiga qiziqadigan harbiy xizmatchi, xodimalar qatnashdilar. Shartlar bo‘yicha yakka tartibda, olimpik raund, miks yo‘nalishida bahslar tashkil qilindi.

Yakuniy natijalarga ko‘ra, g‘oliblikni qo‘lga kiritgan ishtirokchilar tashkilotchilarning diplom va esdalik sovg‘alari bilan taqdirlandilar.