Nursulton Nazarboyev ogʻir xastalik bilan kasalxonaga yotqizildi

Shu mazmundagi xabarni “Xabar 24” davlat telekanalining sobiq direktori Aleksandr Aksyutits oʻzining Facebook sahifasida eʼlon qildi.

Qozogʻistonning sobiq prezidenti Nursulton Nazarboyevning matbuot kotibi Aydos Ukibay esa telefon qo‘ng‘iroqlariga javob bermayapti.

Eslatib oʻtamiz, Nursulton Nazarboyev hozirda 82 yoshda boʻlib, u Qozog‘iston prezidenti lavozimini 28 yil davomida egallab kelgan. 2019-yilning mart oyida esa iste’foga chiqishini e’lon qilgan. Shundan keyin u birinchi prezident va elboshi maxsus maqomlari sohibi sifatida qator ustunliklarni saqlab qoldi.

Bu ustunliklar 2000-yilda «Qozog‘iston Respublikasi birinchi prezidenti — elboshi to‘g‘risida» gi konstitusiyaviy qonunda belgilab qo‘yilgan edi. Keyinchalik hujjatga birinchi prezidentning rolini kuchaytiruvchi tuzatishlar kiritildi.

Shuningdek, kuni kecha Qozog‘iston Konstitutsiyaviy sudi “Qozog‘iston Respublikasining Birinchi Prezidenti — Yelbashi to‘g‘risida” gi qonunni o‘z kuchini yo‘qotgan, – deb topish haqida qaror qabul qilgan edi.