Oskar-2023. Nomzodlarning to‘liq ro‘yxati e’lon qilindi

Kecha, 24-yanvar kuni Amerika Kino akademiyasi tomonodan “Oskar” mukofotiga nomzodlarning to‘liq ro‘yxati e’lon qilindi.

Unga ko‘ra, “Eng yaxshi badiiy-animatsion filmlar” ro‘yxatiga “Pinokkio Gilermo del Toro”, “Etik kiygan mushuk 2: So‘nggi tilak”, “Men qizaryapman”, “Dengiz mahluqi” va “Marsel, poyabzaldagi dengiz qobig‘i” nomzodlari qo‘yilgan.

Shuningdek, “Eng yaxshi film” nominatsiyasi uchun “G‘arbiy frontda o‘zgarish yo‘q», “Avatar: suv yo‘li”, “Inisherin Banshisi”, “Elvis”, “Hamma narsa hamma joyda va bir vaqtning o‘zida”, “Fabelmanlar”, “Tar”, “Top Gan 2: Maverisk”, “G‘am uchburchagi” va “Ayollar g‘iybati” filmlari ro‘yxatdan joy olgan.

“Eng yaxshi to‘liq metrajli hujjatli film” nominatsiyasi ro‘yxatiga esa, “Nafas olayotgan hamma narsa”, “Barcha go‘zallik va qon to‘kilishi”, “Sevgi vulqoni”, “Qirindi uyi” hamda “Navalniy” filmlari kiritilgan. Shuningdek, quyida qolgan nominatsiyalar keltirilgan:

Eng yaxshi rejissor nominatsiyasida:
Martin MakDona “Inisherin Banshisi” filmi uchun;
Den Kvan va Deniyel Shaynert “Hamma narsa hamma joyda va bir vaqtning o‘zida” filmi uchun;
Stiven Spilberg “Fabelmanlar” filmi uchun;
Todd Fild “Tar” filmi uchun;
Ruben Estlund “G‘am uchburchagi” filmi uchun.

Eng yaxshi aktrisa nominatsiyasida:
Keyt Blanshett, “Tar”;
Mishel Yeo, “Hamma narsa hamma joyda va bir vaqtning o‘zida”;
Ana de Armas, “Malla ayol”;
Andrea Rayzboro, “Lesli uchun”;
Mishel Uilyams, “Fabelmanlar”.

Eng yaxshi aktyor nominatsiyasida:
Ostin Batler, “Elvis”;
Kolin Farrell, “Inisherin Banshisi”;
Brendan Freyzer, “Kit”;
Bill Nayi, “Yashamoq”;
Pol Meskal, “Quyoshim mening”.

Ma’lumotlarga ko‘ra, “Oskar” mukofotini topshirish marosimi 12-mart kuni Los-Andjelesda bo‘lib o‘tadi.