Nokia va Samsung yangi hamkorlik shartnomasi imzoladi

Finlyandiyaning “Nokia” telekommunikatsiya kompaniyasi Janubiy Koreyaning “Samsung” korporatsiyasi bilan yangi, ko‘p yillik 5G patentlarini litsenziyalash to‘g‘risida shartnomani tuzdi. Bu haqda kompaniyalar saytida xabar joylashtirildi.

“Samsung smartfon sanoatida yetakchi hisoblanadi va biz ular bilan do’stona kelishuvga erishganimizdan mamnunmiz”, – degan “Nokia” kompaniyasi bosh direktori Jenni Lukander joylashtirgan xabarda.

Ma’lum qilinishicha, kompaniyalar o‘rtasidagi avvalgi kelishuv 2022-yil oxirida yakuniga yetgan.

Mazkur hamkorlik shartnomasi Nokia 5G patentlari va boshqa texnologiyalaridan foydalanganlik uchun Samsung tomonidan to‘lovlarni amalga oshirishni tartibga solib, u 2023-yil 1-yanvarda kuchga kirgan. Boshqa tafsilotlar esa sir tutilmoqda.

Eslatib o‘tamiz, Nokia hozirgi kunda mobil, keng polosali va IP tarmoqlari uchun telekommunikatsiya uskunalarini ishlab chiqaradi.