Telegram yangilandi. Undagi o‘zgarishlar bilan tanishing

Telegram jamoasi o‘zining yangi 2023-yildagi ilk yangilanishini chiqardi va u quyidagi 10 ta yangiliklarni o‘z ichiga oladi:

Profil uchun emoji rasmlar

Endi siz istalgan stiker yoki animatsiyali emojini akkauntingiz, guruh yoki kanallaringiz uchun profil rasmiga qo‘yishingiz mumkin va bu funksiya barcha uchun, hatto Telegram Premium ga obuna bo‘lmaganlar uchun ham ishlaydi. Qolaversa, bu funksiyani kontaktlaringiz uchun ham qo‘llasangiz bo‘ladi.

Emojilarning yangi kategoriyalari

Sizga kerakli stiker yoki emojilarni oson qidirish uchun endi ularni yangi qo‘shilgan????, ❤️ yoki ???? kabi kategoriyalardan topib olishingiz mumkin. Bunda emojini yuborishdan oldin ustiga bosib tursangiz, u smartfon ekranida to‘liq ko‘rinadi.

Kanal, guruh, shaxsiy chatlarni Sizning tilingizga tarjima qilish

Premium foydalanuvchilar endi chat yuqorisida joylashgan “Tarjima paneli” yordamida chatlar, guruhlar yoki kanallardagi barcha xabarlarni to‘liq tarjima qilishi mumkin. Undagi parametrlar menyusi esa Sizga panelni berkitish va qaysi tillarni tarjima qilinishini boshqarish imkonnii beradi.

Tarmoqdan foydalanishning yangi funksiyalari

O‘tgan oyda “Xotiradan foydalanish” rangli doiraviy diagrammalar bilan yangi ko‘rinish olgan edi. Bu safar “Tarmoqdan foydalanish” ham xuddi shunday tus olgan.

Foto/audio/videoni avtomatik tarzda xotiraga saqlash

WiFi va mobil internet uchun batafsil doiraviy diagrammalar bilan Telegram qancha trafik ishlatganini ko‘rishingiz, shuningdek, u yerda trafik rejangizga mos kelishi uchun avtomatik yuklab olish sozlamalarini o‘zgartirishingiz mumkin. Ushbu yangilanish bilan foto/audio/video qabul qilinganida, uning qaysi chatdan kelganligi, hajmi va turiga qarab ,qurilma galereyasiga avtomatik ravishda saqlanishini sozlashingiz mumkin. Bundan tashqari, faqat kerakli rasm va videolar saqlanishi uchun alohida chatlar uchun istisnolar qo‘shish imkoni ham bor.

Chatlarda foto/audio/video yuborishni to‘liq boshqarish

Yangilanish adminlarga o‘z guruhlarida rasm/video/ovozli-video xabarlar kabi 9 ta turli medialardan qaysi biri yuborilishiga ruxsat berish yoki bermaslikni tanlash imkonini beradi. Shuningdek, bu bilan ular faqat media yuboriladigan guruhlarni yaratish uchun matnli xabarlarni jo‘natishni o‘chirish kuchiga ham ega bo‘ladilar.

Botlar uchun chatlarni tanlash

Bot dasturchilari o‘zlarining botlariga oldindan belgilangan mezonlarga mos keladigan guruh, kanal yoki odamlarga yuborilishi uchun botga maxsus tugmalarni qo‘shishlari mumkin. Uning qo‘llanishi bo‘yicha batafsil ma’lumotlar qo‘llanmada yoki @BotNews kanalida berilgan.

Apple va Google ID bilan akkauntga kirish

Agar akkauntingizdan barcha qurilmalarda chiqib ketgan bo‘lsangiz, unga qayta kirishda telefon raqamga SMS kod olish shart emas: akkauntga Apple yoki Google ID yordamida SMS kodni kiritmasdan tezda qayta kirishi mumkin. 

Yillik Premium obunasi uchun 40% chgeirma

Endi siz Telegram Premium ning 1 yillik obunasini 40% chegirma bilan xarid qilib, eksklyuziv funksiyalardan foydalanishingiz mumkin. 

Yangi maxsus emojilar to‘plami

Yangi maxsus emojilarsiz yangilanish – yangilanish emas. Telegram rassomlari ushbu versiyada 10 ta yangi maxsus emojilar to‘plamini qo‘shishdi. Bu safar guruh va profil rasmlari uchun maxsus ishlangan bir necha yuzlab belgilar kiritilgan. Emojilar panelining yuqori qismidagi yangi – “Trenddagilar bo‘limi” orqali ushbu to‘plamlar bilan tanishishingiz mumkin.

Yangi interaktiv emojilar

Animatorlar???? ???? ???? ???? ???? ???? emojilarining yangi interaktiv versiyalarini yaratishgan. Ulardan xohlaganingizni shaxsiy chatlarda ishlatishingiz mumkin, Siz yoki suhbatdoshingiz uni ustiga bosganda, ikkalangiz uchun butun ekranda effekt ishga tushadi.

Yuqoridagi interaktiv va maxsus to‘plamlardagi emojilardan reaksiyalar sifatida ham foydalanishi ham mumkin.