Yaqin orada eSIM o‘rnini iSIM egallaydi

Odamlar endigina nano SIM-kartalardan eSIM ga o‘tishni boshlagan bir vaqtda, eSIM dan ham yaxshiroq texnologiya – iSIM taqdim etildi. Qualcomm va Thales tomonidan taklif qilinayotgan yangi texnologiya smartfonlarning yanada ixcham bo‘lishini ta’minlaydi va quvvatni yaxshigina tejaydi.

“Qualcomm Technologies va Thales tomonidan olib borilgan bir necha yillik qizg‘in ishlanmalardan so‘ng, iSIM uchun GSMA tomonidan dunyodagi ilk xavfsizlik sertifikati berildi.

Borgan sari ommalashib borayotgan eSIM bilan bir qatorda, Thales ning 5G iSIM texnologiyasi qurilma ishlab chiqaruvchilari va uyali aloqa operatorlari o‘z mijozlariga “havo orqali ulanish” bilan birga yanada ajoyib va qulayroq mahsulot dizaynlarini taklif qilishlari uchun yanada ko‘proq erkinlik beradi”, – deydi Thales Mobile kompaniyasining vitse-prezidenti Guillaume Lafaih.

iSIM bilan jihozlangan Snapdragon 8 Gen 2 chipseti GSMA xavfsizlik sertifikatiga ega bo‘lishi, u eSIM modullari bilan bir xil himoya darajasiga ega ekanligini anglatadi. iSIM texnologiyasi chipsetda 1 mm² dan kam joy egallaydi. Bu hozirgi nano SIM-karta (12,3 x 8,8 mm) hajmidan 100 baravar kichikroqdir.

iSIM ning asosiy afzalligi shundaki, u qurilmalar ichida SIM-karta xizmatlari uchun alohida jismoniy maydonga ehtiyojni yo‘q qiladi va kamroq quvvat sarflaydi. 2027-yilgacha dunyo bo‘ylab iSIM bilan jihozlangan qurilmalar soni 300 000 000 dan ortishi kutilmoqda.

2023-yilning oxiriga kelib ushbu chplar bilan boshqa smartfon ishlab chiqaruvchilar foydalanishi rejalashtirilgan.