Gruziya deputatlari parlamentda mushtlashishdi – video

Xorijiy agentlar to‘g‘risidagi qonun loyihasini ko‘rib chiqish vaqtida gruziyalik deputatlar mushtlashishdi. Ushbu holat mahalliy telekanallar tomonidan jonli efirda namoyish etildi.

Yig‘ilishdagi mushtlashuv parlament ko‘pchilik vakili Anri Oxanashvili va muxolifat deputatlari tomonidan boshlangan.

Qonun loyihasini ko‘rib chiqilishi o‘tgan haftada qo‘mita darajasida boshlangan edi. Shu vaqtda ko‘chalarda norozilik aksiyalari ham o‘tkazildi. Qonun muxoliflarining fikricha, bu Rossiyada amalga kiritilgan xorijiy agentlar haqidagi qonunga o‘xshash bo‘lib, Gruziyani Yevropa Ittifoqiga qo‘shilishdan uzoqlashtirishga xizmat qiladi.

“Xorijiy taʼsirning ochiqligi to‘g‘risida” gi qonun loyihasi parlamentga “Xalq qudrati” muxolifat harakati deputatlari tomonidan kiritilgan. Hujjatda xorijiy davlatlardan mablag‘ oluvchi nodavlat notijorat tashkilotlari, ommaviy axborot vositalari va subyektlar reestrini yaratish ko‘zda tutilgan.

Parlamentda ko‘pchilikni tashkil qiluvchi hukmron “Gruziya orzusi” partiyasi vakillari qonun loyihasini qo‘llab-quvvatlash niyatida ekanliklarini, agar prezident Salome Zurabishvili veto qo‘ysa, deputatlar uni yengib o‘tishga harakat qilishlarini aytishdi.