Buxoro yangiliklari

Buxoroda erkak avtobusda jinsiy a’zosini chiqarib, begona ayolga tekkizdi (–mi?) – video

photo 33
Foto: Telegram (BukharaNewsUz)

Loading

Bugun, 9-mart kuni Telegramdagi “Bukhara News” kanalida bir erkakning Buxorodagi jamoat transportida begona ayolga tegajog‘lik qilgani aytilayotgan videosi tarqaldi.

Gap shundaki, aftidan Buxoro shahri ko‘chalarida o‘z yo‘nalishi bo‘ylab harakatlanayotgan avtobusda tik turib yo‘lovchi sifatida ketayotgan ayolga boshqa bir yo‘lovchi erkak yaqinlashib, o‘zining jinsiy a’zosini chiqarib, unga tekkiza boshlagan.

Ushbu holatdan shokka tushgan ojiza ayol qo‘rqqanidan baqira boshlagan va transport vositasining boshqa tomoniga qochgan. Ushbu hodisaga guvoh bo‘lgan fuqarolar avtobus salonini videoga olishgan.

Mazkur video eʼlon qilinganidan bir necha soat oʻtib, Buxoro viloyati IIB unga rasmiy munosabat bildirdi. Unda qayd etilishicha, holat Buxoro shahar IIO FMB da tegishli tartibda qayddan o‘tkazilib, mas’ullar tomonidan holatga aniqlik kiritish maqsadida tergovga qadar tekshiruv harakatlari olib borilmoqda.

“O‘rganish davomida aniqlangan huquqbuzarlik holatlari bo‘yicha aybdor shaxsga nisbatan qonunda belgilangan tartibda chora ko‘riladi”, – deyiladi Buxoro IIB xabarida.

Shu o‘rinda, yuqorida keltirilgan yoki shunga o‘xshash holatlarda Buxoro viloyati IIB ning “102” qisqa raqamiga qo‘ng‘iroq qilib xabar berishingizni so‘rab qolamiz.

Shuningdek, qayd etilishicha, ushbu videoni birinchi boʻlib, Telegramdagi “Potrebitel Buxara plyus” kanali obunachilari eʼlon qilgan ekan.

O‘z navbatida mazkur nohush vaziyatga biroz izoh berib o‘tsak. Zero, ushbu mazvu hozirda aktual bo‘lib, yuqoridagi holatni frotterizm deyish mumkin.

Ayol-qizlarimiz transportdagi tegajog‘liqlardan yaxshi xabardor. Albatta bu holat juda yoqimsiz. Kimdir bunday vaziyatda uyatdan o‘zini qo‘yarga joy topa olmasa, yana kimdir qarshilik ko‘rsatadi. Xo‘sh, ayollarni noqulay holatga soluvchi frotterlar o‘zi kim, ular nima uchun bunday qilishadi va o‘z qurbonini qanday tanlaydi?

Nemolchi.Uz nashirga ko‘ra, “Frotterizm” – bu insonning jamoat joylarida notanish insonga teginish yoki ishqalanish orqali, hayajonlanishi, jinsiy qo‘zg‘alish holatiga kelishidir. Frotterizm turli shakl va usulda aks etishi mumkin. Aksariyat vaziyatlarda frotterlar odam gavjum joylarni tanlab, orqa tomondan yaqinlashishni afzal ko‘radi. Chunki bu holatda qurbon tez qutulib chiqib keta olmaydi. Tegajog‘liq maqsadini ko‘zlagan erkak jamoat transportidagi gavjum vaqtni kutadi.

Frotterizmdan maqsad nima?

Frotterizm insonning oddiy jinsiy hayot tarzi bo‘lishi yoki jinsiy aloqa o‘rnini bosishi mumkin. U bilan ba’zida o‘smirlar shug‘ullanib turadi va bu o‘tish davrining o‘ziga xos tomoni. Vaqt o‘tib, bu xususiyat sekin-asta yo‘qolib boradi. Ammo hamma insonlarda ham u butunlay yo‘qolib ketmaydi. Balki patologiya ko‘rinishiga kiradi. Bu avvalo insonning tarbiyasi, ichki olami va fe’l-atvoriga bog‘liq. Agar frotterizm o‘smirlik asorati bo‘lib emas, balki inson ulg‘ayganda paydo bo‘lsa, buni kasallik deyish mumkin.

Psixologlar frotterizmni zo‘ravonlikning bir turiga kiritadi va uning oqibatida psixologik jarohatlar yuzaga keladi.

“Nima uchun men?”

Zo‘ravonlik, tegajog‘liklarga duch kelganda hammamizda “Nima uchun aynan men?” degan savol paydo bo‘ladi. Axir to‘g‘ri yursam, noma’qul ish qilmasam, diqqatni tortmasam, deya ajablanamiz. Xo‘sh, frotter kimsalar qanday belgilarga qarab o‘z qurbonini tanlaydi? Ularni ayol tanasi a’zolari, tananing ochiq qismlari, ko‘proq oyoqlar jalb qiladi. Ba’zida frotterlar zaifroq, nozikroq ko‘ringan ayol-qizlarni tanlaydi. Chunki ular xavfsizroq tuyuladi. Keyin frotterlarni transportda uxlab ketayotgan ayollar tezroq o‘ziga jalb qiladi.

Muhokama qilish (0 ta sharh)

Javob berish


  • Telegram
    photo
    18.03.2024

    Buxoroda maktab o‘quvchilarini olib ketayotgan avtobus va yuk mashinasi o‘rtasida sodir bo‘lgan avariya oqibatida o‘quvchi halok bo‘ldi (video)

    photo
    29.02.2024

    Buxorodagi san’at maktabida usta pianinoni keti bilan chalgani rostmi yoxud feyk-xabar ortida nima turibdi?

    photo
    27.02.2024

    Buxorolik tadbirkorning o‘z joniga qasd qilgani rostmi yoxud yolg‘on xabar ortida shaxsiy manfaat turibdimi?

    photo
    26.02.2024

    Buxoroda aeroport orqali qadimiy tangalarni Dog‘istonga olib ketishmoqchi bo‘lishdi

    photo
    23.02.2024

    Har bir murojaat e’tiborda — Davlat kadastrlari palatasi Buxoro viloyati boshqarmasi

    photo
    09.02.2024

    Ipoteka krediti asosida olingan uy-joyni kreditni to’lamasdan boshqa shaxsga sotish mumkinmi?

    photo
    31.01.2024

    Huquqshunos sharhi: talabalar ham oliygohdan “suyunchi puli” olishga haqli

    picture
    25.01.2024

    Murodjon Umarov O‘zbekiston mahallalari uyushmasi Buxoro viloyati boshqarmasi boshlig‘i etib tayinlandi

    picture
    23.01.2024

    Jinoyat ishlari bo‘yicha Qorako‘l tumani sudi raisi Boborahim Achilovga hayfsan berildi

    picture
    19.01.2024

    “Yordam beringlar, otam onamni o‘ldiryapti!” — 20 yillik turmushdan so‘ng qorako‘llik erkak o‘z xotinini bolalari ko‘z o‘ngida o‘ldirdi

    picture
    18.01.2024

    G‘ijduvonlik “uddaburon” tanishining xonadonidan tamaki kontrabandasi uchun foydalanmoqchi bo‘ldi

    picture 1
    17.01.2024

    Markaziy bankning Buxorodagi rahbari Erkin Mansurovning 20 mln dollarlik jinoyat ishidagi aybi isbotlanmadi

    picture
    17.01.2024

    Buxoroda bojxona orqali jangovor o‘qlarni olib o‘tishga urinish bo‘ldi

    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.