Mir Arab oliy madrasasi bitiruvchilari imom-xatiblikka qabul qilindi

27 nafar bitiruvchilar imom-xatib va mudarrislik vazifalariga taqsimot qilindi. Bu haqda Mir Arab oliy madrasasi matbuot xizmati xabar qildi.

Kini kecha Mir Arab oliy madrasasida O‘zbekiston musulmonlari idorasi Ta’lim va ilmiy-tadqiqot bo‘limi mudiri S. Sherxonov va Masjidlar bo‘limi mudiri M. Kamolov ishtirokida bitiruvchi kurs talabalari bilan ochiq muloqot bo‘lib o‘tdi.

Unda bitiruvchi kurs talabalari O‘zbekiston musulmonlari idorasi tasarrufidagi masjidlar va Islom bilim yurtlarida ish faoliyatini yuritishlari uchun taqsimot qilindi.

Ma’lumot uchun, mazkur 2022/2023-o‘quv yilida Oliy madrasani 23 nafar yigitlar va 4 nafar ayol-qizlar, jami 27 nafar talaba bitirmoqda.