Yo‘l harakati qoidalariga amal qilish barcha uchun majburiy

Bugun, 23-mart kuni «Потребитель Бухара плюс» Telegram-kanalida №9 avtobus haydovchisi ustidan shikoyat joylashtirildi.

Buxoro viloyat transport boshqarmasi tomonidan 9-sonli «Karvon bozor-Konchilar shaharchasi» avtobus yo‘nalishida harakatlanuvchi, ISUZU rusumli, davlat raqam belgisi 80/538NAA bo‘lgan avtobus haydovchisining harakat davomida telefondan foydalanganligi to‘g‘risidagi murojaat o‘rganib chiqildi.

O‘rganish davomida avtobus «Sham Sher trans» mas’uliyati cheklangan jamiyatiga tegishli ekanligi aniqlanib, ushbu avtotransport vositasini yo‘l varaqasi asosida haydovchi haydovchi S. X. boshqarganligi aniqlandi. Ushbu haydovchi bilan profilaktik-targ‘ibot ishlari olib borildi, yo‘l harakati qoidalariga qat’iy rioya etish, yo‘lovchilar bilan xushmuomalada bo‘lish, belgilangan karantin tartib qoidalariga amal qilgan holda yo‘lovchi tashish masalalarida tushuntirishlar berildi. Harakat davomida telefondan foydalanish O‘zbekiston Respublikasi Ma’muriy javobgarlik to‘g‘risidagi Kodeksining tegishli moddalariga asosan ma’muriy javobgarlikka sabab bo‘lishi, ushbu qoidabuzarlik viloyat IIB YHXB xodimlari tomonidan ma’muriy bayonnoma rasmiylashtirilishiga asos bo‘lishi mumkinligi ta’kidlandi.