Buxoroda bojxona orqali jangovor o‘qlarni olib o‘tishga urinish bo‘ldi

Bir necha kun oldin Buxoro viloyati bojxona boshqarmasining “Olot” chegara bojxona posti orqali jangovar patronlarni olib o‘tishga bo‘lgan urinish bartaraf etildi. Bu haqda Buxoroisharif.uz internet nashriga boshqarma matbuot xizmati rahbari D. Qayumova ma’lum qildi.

Xususan, DXX chegara qo‘shinlari va bojxona posti xodimlari o‘zaro hamkorlikda olib borilgan tekshiruv jarayonida tranzit yo‘nalishda harakatlangan yuk avtomashinasi viloyatimiz chegara bojxona postiga kirib kelgan vaqtida tegishli tartibda to‘xtatilgan.

Yuk avtomashinasiga bir nechta yengil avtomashinalar ortilganligi bois, ularning har biri xolislar ishtirokida ko‘zdan kechirilgan. Natijada “Chevrolet Impala” rusumli avtomashina orqa o‘rindig‘i ostida kalibri 9 mm ga teng bo‘lgan 2 dona jangovar o‘qlar borligi aniqlandi.

Hozirda holat yuzasidan bojxona organlari tomonidan tegishli tartibda ish olib borilmoqda.