Qorako‘lda zog‘ora baliq ovlaganlar javobgarlikka tortilmoqda

Mamlakatimizda joriy yilning 16-apreldan 31-mayga qadar baliqlarning ko‘payish vaqti boshlanganligi sababli, baliq ovlash taqiqlangan. Ammo shunga qaramasdan baliq ov qilish bilan shug‘ullanayotgan fuqarolar uchramoqda. Bu haqda viloyat Ekologiya boshqarmasi Buxoroisharif.uz ga ma’lum qilmoqda.

Xususan, kuni kecha Ekologiya boshqarmasi Qorako‘l tuman inspeksiyasi inspektorlari tomonidan tumandagi tabiiy suv havzalari hududlarida reyd tadbirlari o‘tkazildi.

Shunda “Zamon bobo” tabiiy suv havzasidagi “Askar ota” MChJ ga qarashli fermer xo‘jaligi hududida 3 nafar fuqaro tomonidan 52 dona zog‘ora balig‘ini ovlaganligi aniqlandi. Oydinlik kiritilishacha, fuqarolar Buxoro tumanida ro‘yxatda turadi.

Ayni damda mazkur holat yuzasidan belgilangan tartibda hujjatlar rasmiylashtirilib, qonuniy chora ko’rish uchun huquqni muhofaza qiluvchi idoralarga taqdim etilgan.