“Kommunalchi”lar musobaqada kuch sinashishdi

“Navro‘z” umumxalq bayrami oldidan Buxoro viloyati Uy-joy kommunal xizmat ko‘rsatish boshqarmasi tarkibidagi korxona va tashkilotlar xodimlari o‘rtasida «Salomatlik spartakiadasi» musobaqalarini tashkil etish va o‘tkazish bo‘yicha ishlab chiqilgan rejaga asosan 19-mart kuni stol tennisi va mini futbol sport turlari bo‘yicha musobaqalar tashkil etildi.

Musobaqalarda tumanlar bo‘limlari mutaxassislari va “Buxoroenergomarkaz” AJ, “Issiqlik manbai” DUK xodimlari ham faol ishtirok etdilar. Stol tennisi bo‘yicha o‘tkazilgan musobaqada Olot tumani bo‘limi mutaxassisi Ahmad Fayziyev 1-o‘rinni, Buxoro tumani bo‘limi mutaxassisi Izzat Ubaydov faxrli 2-o‘rinni va boshqarma mutaxassisi Sharifa Muxtarova esa 3-o‘rinni egalladi. Gʻoliblar esdalik sovg‘alari bilan taqdirlandilar.

Jamoalar o‘rtasidagi mini futbol musobaqalari davom etmoqda.