Mashhur san’atkorlarni to‘yga chaqirish necha pulga tushadi?

O‘zbek xalqi to‘y-u xursandchiligida eng mashhur san’atkorlar kelib xizmat qilishini ko‘ngliga tugib qo‘yadi. Xo‘sh, to‘ylarga sevimli san’atkorini taklif qilish muxlislarga qanchaga tushadi? Daryo bu haqda ma’lumotlarni taqdim etdi.

Sevinch Mo‘minova

Xonanda Sevinch Mo‘minova poytaxt to‘ylaridagi “birrov”ga 700 dollarga boradi. To‘yda 1 soat xizmat qilib berishi 2 500 dollar, korporativ bayramlarga 1 000 dollar evaziga boradi.

Yorqinxo‘ja Umarov

To‘ylarga eng ko‘p chaqiriladigan xonandalardan biri Yorqinxo‘ja Umarovning “birrov” xizmati narxi 600 dollar. U navbatchi sifatida xizmatlarga bormaydi.

Mavluda Asalxo‘jayeva

Mavluda Asalxo‘jayevaning poytaxt to‘ylaridagi “birrov” xizmati narxi 600 dollar qilib belgilangan. To‘y va tadbirlarni boshidan oxirigacha o‘tkazib berishi esa 3 500 dollarga baholanadi.

Ziyoda

Agar to‘yingizga xonanda Ziyodani chaqirmoqchi bo‘lsangiz, 700 dollarni tayyorlab qo‘ying. U tantana va marosimlarni 5 000 dollar evaziga boshidan oxirigacha o‘tkazib beradi.

Ulug‘bek Rahmatullayev

Ulug‘bek Rahmatullayev 700 dollar evaziga to‘yingizga kelib, 4-5 ta qo‘shiq kuylab beradi. Xonanda navbatchi sifatida to‘ylarga chiqmaydi.

G‘aybulla Tursunov

Bugungi kunning hitmeykeri G‘aybulla Tursunovning “Quralay”, “Janona” kabi qo‘shiqlariga 700 dollar haq to‘lash kerak bo‘ladi. U navbatchi xonanda sifatida to‘ylarga chiqmaydi.

Nilufar Usmonova

Xonanda Nilufar Usmonovaning poytaxt to‘ylaridagi “birrov”i narxi 800 dollar. U ham boshqa ko‘plab hamkasblari singari to‘ylarda navbatchilik qilmaydi.

Hamdam Sobirov

To‘ybop qo‘shiqlari bilan Hamdam Sobirov “birrov”larga 1 000 dollar evaziga boradi. Tadbirlarga esa navbatchi xonanda sifatida bormaydi.

Botir Qodirov

Xonanda Botir Qodirov 1 000 dollar evaziga Toshkentdagi “birrov”larga chiqib beradi. U tantanangizni boshidan oxirigacha 5 000 dollar evaziga o‘tkazib beradi.

Farrux Fazel

“Bor” qo‘shig‘i bilan omma e’tiborga tushgan xonanda Farrux Fazelning “birrov” xizmati 1 200 dollar. U korporativ bayramlarga 2 500 dollar evaziga boradi.

Shohruxxon

To‘yingizga Shohruxxon kelishini istasangiz, 1 200 dollarni tayyorlab qo‘ying. U navbatchi xonanda sifatida to‘ylarga bormaydi.

Farrux Zokirov

O‘zbekiston xalq artisti Farrux Zokirovning poytaxtdagi “birrov”larda bir nechta xit qo‘shig‘ini kuylab berishi narxi — 2 000 dollar. Navbatchi xonanda sifatida u “Yalla” guruhining to‘liq tarkibida 10 000 dollar evaziga to‘y-u tantanalarga chiqadi.

Rashid Xoliqov

O‘zbekistonda xizmat ko‘rsatgan artist Rashid Xoliqov Toshkent to‘ylariga “birrov”ga 13 00 dollar evaziga tashrif buyuradi. Korporativ yig‘ilishlarga esa 2 500 – 3 500 evaziga kelib, sho‘x qo‘shiqlarini kuylab ketadi.

Shohjahon Jo‘rayev

Shohjahon Jo‘rayevning to‘ylarda “birrov”ga xizmat qilishi bahosi 1 300 – 14 00 dollar. 6 000 dollar evaziga esa jonli ijrodagi qo‘shiqlari bilan marosimlarni boshidan oxirigacha o‘tkazib beradi.

Munisa Rizayeva

Xonanda Munisa Rizayeva 1 600 dollar evaziga poytaxt to‘ylarida eng to‘ybop qo‘shiqlaridan 4-5 tasini kuylab ketadi. U navbatchi xonanda sifatida to‘y-u marosimlarga bormaydi.

Tohir Sodiqov

“Kel yashaylik biz birga”, “Xayolim senda” kabi qo‘shiqlarga raqsga tushmoqchi bo‘lsangiz, Tohir Sodiqovning “birrov” xizmatiga 2 000 dollar to‘lash kerak. Xonanda korporativ bayramlarda 15 daqiqa qo‘shiq kuylab berishi uchun esa 5 000 dollar to‘lanadi.

Jaloliddin Ahmadaliyev

Farg‘onalik xonanda Jaloliddin Ahmadaliyev Toshkent to‘ylarida jonli ijroda 10-12 ta qo‘shiq aytib berishi 4 000 dollarga baholangan. U korporativ yig‘ilishlarni ham xuddi shu narxda o‘tkazib beradi.

Ozoda Nursaidova

O‘zbekiston xalq artisti Ozoda Nursaidova to‘y-tantanalarga borib, “birrov”ga xizmat qilib kelishi narxi 1 500 dollar. Tadbirni boshidan oxirigacha o‘tkazib berishi esa 6 000 dollarga baholangan.

Yulduz Usmonova

O‘zbekiston xalq artisti Yulduz Usmonova Toshkent to‘ylarida “birrov”ga xizmat qilish narxini 2 000 dollar etib belgilagan. 12 000 dollar evaziga esa to‘yni boshidan oxirigacha o‘tkazib beradi. Korporativ yig‘ilishlarga chaqirish narxi 3 000 dollar.