Shavvol oyining 6 kun ro‘zasi

Shavvol oyida olti kun ro‘za tutish nafl ro‘zalarning eng fazilatli turlaridan biridir. Faqatgina birinchi kun — Iydul fitr kuni ro‘za tutish harom qilingan.

Muhammad (sollallohu alayhi vasallam) marhamat qilganlar:

“Ikki kun bor, u kunlarda ro‘za tutishdan qaytarildingiz: biri — ro‘zangizni ochgan kuningiz (Iydul fitr), ikkinchisi — qurbonlik go‘shtidan yeydigan kuningiz (Iydul adho)”.

Ro‘zaning hukmi

Ko‘pchilik ulamolar shavvol oyidagi olti kun ro‘zani sunnat deb hisoblaydilar. Bunga quyidagi hadis dalildir:

“Kim Ramazon ro‘zasini tutib, ortidan shavvoldan 6 kun qo‘shsa, go‘yo butun yil ro‘za tutgandek bo‘ladi”.

Fazilati

Payg‘ambarimiz (sollallohu alayhi vasallam) aytganlar:

“Kim iyddan keyin 6 kun ro‘za tutsa, bu 1 yil ro‘za tutgandek bo‘ladi. Chunki har bir yaxshi amal o‘n barobar savob bilan yoziladi”.

Imom Nawawi (rahimahulloh) shunday deydilar:

“Ramazon o‘n oyga, shavvoldagi 6 ta kun esa 2 oyga teng bo‘ladi”.

Foydalari

Ibn Rajab al-Hanbali (rahimahulloh) quyidagi hikmatlarni zikr qilganlar:

• Ramazon ro‘zasining qabul bo‘lganiga alomat bo‘ladi
• Alloh bergan mag‘firat ne’matiga shukr ifodasidir 
• Bandaning ibodatga muhabbati va davomiyligini ko‘rsatadi

Avval qazo, keyinmi?

Eng to‘g‘ri qarashga ko‘ra, avval Ramazondan qolgan ro‘zalar qazo qilinadi, so‘ng shavvolning oltita ro‘zasi tutiladi.

Faqat shavvoldami?

Hadislardan ko‘rinishicha, bu ro‘za aynan shavvol oyiga xosdir. Ketma-ket bo‘lishi shartmi? Bu ro‘zalarni ketma-ket ham, bo‘lib-bo‘lib ham tutish mumkin. Bu borada kenglik bor.