Buxoro tumanidagi «Fayzulloobod» xöjaligida 700 ming tup tut köçati yetiştirildi

Buxoro tumanining «Istiqbol» mahallasi, Yuqori Kobdun qişloğidagi «Fayzulloobod» fermer xöjaligida 700 ming tup ikki yillik tut köçati yetiştirilmoqda. Köçatlar «Yaşil makon» umummilliy loyihasining kuzgi mavsumi doirasida viloyatning turli hududlariga yetkazib berilmoqda. Bu haqda Buxoro viloyati hokimligi matbuot xizmati Buxoroişarif.uz internet naşriga ma’lum qildi.

Erkin Ostonov rahbarlik qilayotgan xöjalikda köçat yetiştiriş uçun 3 gektar maydon ajratilgan. Nihollarni agrotexnik talablarga muvofiq yetiştiriş va parvarişlaş işlari olib borilmoqda.

Köçatlarni sifatli tayyorlaş bilan birga, ularni öz vaqtida manziliga yetkazib beriş hamda ekilgandan keyingi parvarişini töğri taşkil etişga e’tibor qaratilmoqda.

Xöjalikda köp yillik tajriba asosida yölga qöyilgan köçat yetiştiriş va parvarişlaş işlariga 20 nafardan ortiq işçi jalb etilgan. Bu mahalliy aholi bandligini ta’minlaş va fuqarolar uçun daromad manbai yaratişga xizmat qilmoqda.

Tut daraxtlari ekologik ahamiyatidan taşqari, ipakçilik uçun ham zarur. Ularning barglari ipak qurtining asosiy ozuqasi bölib, tutzorlarning kengayişi pillaçilikning xom aşyo bazasini mustahkamlaydi.

Hokimlik ma’lumotiga köra, Buxoro tumanida joriy mavsumda «Romstar» MÇJ tomonidan 2900 nafardan ortiq kasanaçi mehnati bilan inkubatoriyada jonlantirilgan 4317 quti ipak qurtidan 275 tonnadan ziyod pilla yetiştirilgan. Bu işlarda kasanaçilar va oilaviy zvenolar qatnaşgan; tutzorlarni ozuqa manbai sifatida talab darajasida tayyorlaş natijaga erişişda muhim omil bölgan.

«Yaşil makon» doirasida tumanlar, olis mahalla va qişloqlarda amalga oşirilayotgan kökalamzorlaştiriş işlari daraxtzorlar maydonini kengaytiriş va ekologik muhitni yaxşilaşga qaratilgan. «Fayzulloobod» xöjaligining köçatçilik faoliyati ham şu işlarning bir qismi hisoblanadi.