Tanishing: Dolli Parton — AQShdagi eng taniqli shaxs

AQShda o‘tkazilgan yangi ijtimoiy so‘rov natijalari kutilmagan, ammo ko‘pchilik uchun quvonarli xulosa berdi: kantri musiqasi afsonasi Dolli Parton mamlakatdagi eng mashhur va eng sevimli jamoat arbobi deb e’tirof etildi.

Tadqiqot University of Massachusetts Lowell tomonidan o‘tkazilgan bo‘lib, unda minglab amerikaliklarning fikrlari tahlil qilingan.

80 yoshli san’atkor +65 sof ijobiy reyting bilan barcha mashhur shaxslarni ortda qoldirdi. Taqqoslash uchun:

• Barak Obama — +14
• Volodymir Zelenskiy — +13
• Teylor Svift — +3
• Berni Sanders — +6
• Jorj Bush (kichik)— +5

Shuningdek, reytingda ko‘plab siyosatchilar manfiy natija ko‘rsatgan:

• Donald Tramp — -18
• Jo Bayden — -19
• Benjamin Netanyaxu — -19
• Mark Sukerberg — -43
• Vladimir Putin — -65

Bu natijalar shuni ko‘rsatadiki, oddiy odamlar orasida ishonch va muhabbat qozonish siyosatchilar uchun ancha qiyin, ammo Dolly Parton bunga erishgan kam sonli shaxslardan biri.

Nega aynan Dolli Parton?

Dolli Parton nafaqat qo‘shiqchi, balki:

• Xayriya ishlari bilan mashhur
• Ta’lim va bolalar sog‘lig‘iga katta hissa qo‘shgan
• Oddiylik va samimiyligi bilan tanilgan

Yaqinda u katta miqdorda mablag‘ ajratgach, East Tennessee Children’s Hospital uning nomi bilan qayta nomlandi.

Shifoxona rahbari bu haqda shunday dedi: uning yordami “butun avlodlar hayotini o‘zgartiradigan darajada katta”.

So‘rov natijalari shuni ko‘rsatadiki, xalq qalbini zabt etish uchun mashhurlikning o‘zi yetarli emas. Samimiyat, insonparvarlik va real yordam — aynan shu omillar Dolli Partonni AQShdagi eng sevimli va taniqli shaxsga aylantirdi.

U siyosatchi emas, ammo ehtimol ko‘plab siyosatchilardan ko‘ra ko‘proq ishonchga ega.