JSST: Ebola tarqalishi xalqaro sog‘liqni saqlash favqulodda holati deb e’lon qilindi

Jahon sog‘liqni saqlash tashkiloti (JSST) Kongo va Uganda hududlarida Ebola isitmasi tarqalishini xalqaro miqyosdagi sog‘liqni saqlash favqulodda holati deb e’lon qildi.

Tashkilot bayonotiga ko‘ra, JSST bosh direktori ikki davlat rasmiylari bilan maslahatlashuvlar o‘tkazgan va epidemiya “xalqaro tashvish uyg‘otuvchi jamoat salomatligi favqulodda vaziyati” mezonlariga mos kelishini bildirgan.

So‘nggi ma’lumotlarga ko‘ra:

• Kongo Demokratik Respublikasining Ituri viloyatida 246 ga yaqin gumonli holat,
• 80 ta ehtimoliy o‘lim

qayd etilgan.

Ulardan sakkiztasi laboratoriya orqali tasdiqlangan.

Shuningdek:

• Kampala shahrida ikki tasdiqlangan holat,
• Kinshasada esa bitta holat aniqlangan.

JSST hozircha virus yuqtirganlarning haqiqiy soni va kasallikning geografik tarqalishi bo‘yicha katta noaniqlik mavjudligini ta’kidlagan.

Biroq tashkilot ayni paytda ushbu holat pandemiya mezonlariga mos kelmasligini ham alohida qayd etdi.

Africa Centres for Disease Control and Prevention esa vaziyatni diqqat bilan kuzatayotganini bildirib, hukumatlar va xalqaro hamkorlar bilan birga:

• virus tarqalishini to‘xtatish,
• chegaralararo xavfni kamaytirish,
• tezkor va muvofiqlashtirilgan choralar ko‘rish

ustida ishlayotganini ma’lum qilgan.